🎞️🎞️🎞️2020 න් 21 ට සිනමාව🎞️🎞️🎞️🎞️🎞️🎞️

 

2020 යනු ලෝක සිනමාවට ඉතාමත් අවාසනාවන්ත කාලවකවානුවක්...කොවිඩ්-19 වසංගතය හේතුවෙන් සිනමාකර්මාන්තයට අත් වු ඉරණම ගැන අමුතුවෙන් කතා කල යුතු නැත...මේ වසරේ තිරගත වීමට තිබු බොහොමයක් සිනමාපට ඉදිරි වසර වලට කල්ගිය අතර මේ සුදානම 2020 වසරේදි අපට වඩාත් සමීප වු හොලිවුඩය, බොලිවුඩය, දමිළ සිනමාව,තෙළිඟු සිනමාව හා අපේ දේශිය සිංහල සිනමාව ගැන සමාලෝචනයක් සිදු කිරීමටය...

𝐇𝐨𝐥𝐥𝐲𝐰𝐨𝐨𝐝 (හොලිවුඩය)

ආදායම් වාර්තා

2007 වසරෙන් පසු කිසිදු චිත්‍රපටයක් බිලියන ඉක්ම වූ ආදායම් වාර්තාවක් නොතැබු වසර ලෙස 2020 ඉතිහාස ගත වන අතර 1995 න් පසු කිසිදු චිත්‍රපටයක් මිලියන 500 ආදායම් වාර්තාවක් සටහන් නොකල වසරක් ලෙසද 2020 වසර ඉතිහාසයට එකතු වන්නේය...එමෙන්ම ඉතිහාසයේ පලමු වරට ඉහළ ආදායම් වාර්තා තැබු චිත්‍රපට දහය අතරට ඇමරිකානු නොවන චීන හා ජපන් චිත්‍රපට පහක් පැමිණ තිබීමත් කැපී පෙනෙන සිදුවීමක් වනවා....

මේ වසරේ වැඩිම ආදායම් වාර්තාක් ලෙස අමරිකන් ඩොලර් හාරසීය හැට එක් මිලියන තිස්තුන්ලක්ෂ නවදහස් පන්සීය විසි අටක වාර්තාවක් තබා ඇති චිත්‍රපටය වන්නේ The Eight Hundred නම් චීන චිත්‍රපටයයි....මේ වසරේ ඉහළ ආදායම් වාර්තාවක තැබු චිත්‍රපට 10 වන්නේ...

1.The Eight Hundred- $461,339,528

2.Bad Boys for Life- $426,505,244

3.My People, My Homeland - $422,384,094

4.Tenet - $362,609,000

5.Demon Slayer: Mugen Train - $340,173,208

6.Sonic the Hedgehog - $320,954,026

7.Dolittle - $250,482,863

8.Jiang Ziya - $243,843,105

9.Birds of Prey - $201,858,461

10.The Sacrifice - $170,730,000

මෙහි ඇති තවත් විශේෂත්වයක් නම් ඩිස්නි සමාගමේ හො ඒ යටතේ ඇති කිසිදු සමාගමක කිසිදු නිර්මාණයක් පලමු දහයට ඇතුලත් නොවී තිබීමයි....

මීට අමතරව චීනයේදි 4K තාක්ෂණය හරහා නැවත වරක් තිරගත වුන හැරී පොටර් පලමු චිත්‍රපටය නැතහොත් Harry potter and the Philosopher's stone චිත්‍රපටය ඩොලර් බිලියනයේ සීමාව පසුකරමින් Wizard World ෆැන්චසියේ දෙවන වැඩිම ආදායමක් ලැබු චිත්‍රපටය බවට පත්ව ඇත...

92 වන ඇකඩමි සම්මාන උළෙල

මේ වසරේදී ඇකඩමි සම්මාන උළෙල නැතහොත් ඔස්කාර් සම්මාන උළෙල ඇමරිකාවේ ලොස් ඇන්ඩලස් නුවරදී පැවැත්වන අතර එහිදී Parasite චිත්‍රපටය හොඳම චිත්‍රපටය ඇතුළු සම්මාන හතරක් දිනාගත්තේ පලමු වරට ඉංග්‍රීසි නොවන චිත්‍රපටයක් හොඳස චිත්‍රපටය වු පලමු අවස්ථාව ලෙසයි...1917 සම්මාන තුනක්ද ⁣Fird vs Ferrari , Once Upon a Time in Hollywood,Joker සම්මාන දෙක බැඟින් එහිදී දිනාගත්තා...ඇකඩමි සම්මාන උළලේ ප්‍රධාන සම්මාන පබදී ගිය ආකාරය පහත පරිදි වෙයි....

හොඳම චිත්‍රපටය - Parasite

හොඳම අධ්‍යක්ෂණය - Bong Joon - ho (parasite)

හොඳම නළුවා - Joaquin Phoenix (Joker)

හොඳම නිළිය - Renée Kathlee (Judy)

හොඳම සහය නළුවා -Brad Pitt ( Once Upon a Time in Hollywood )

හොඳම සහය නිළිය - Laura Dern (Marriage Story)

හොදම තිරරචනය - Taika Waititi (Jojo Rabbit )

77 වන ගෝල්ඩන් ග්ලෝබ් සම්මාන උළෙල

මෙවර ගෝල්ඩන් ග්ලෝබ් සම්මාන උළෙල ඇමරිකාවේ කැලිෆෝනියා හිදී පැවැත්වූයේ ජනවාරි 5 වන දිනය..

එහි සම්මාන බෙදී ගියේ මේ ආකාරයටය...

Best Film (Drama) -1917

Best Film (Musical or Comedy) - Once Upon a Time in Hollywood

Best Drama Series - Succession

Best Musical or Comedy Series- Fleabag

Best Miniseries or Television movie - Chernobyl

2009 වසරෙන් පසු මාවල් සමාගමේ කිසිදු චිත්‍රපටයක් 2020 වසරේදි නිකුත් නොවීම තවත් විශේෂ සිදුවීමක් ලෙස හදුන්වාදිය හැකිය...

මේ වසරේදි එනම් 2021 දී හොලිවුඩයෙන් දැවැන්ත චිත්‍රපට කිහිපයක් අපට නැරඹීමට හැකියාව ලැබෙනු ඇති බවට චිත්‍රපට නිෂ්පාදක සමාගම් දැනට නිකුත් කර ඇති නිවේදන අනුව පෙනී යයි...

මාර්තු මාසයේදි Zack Snyder's Justice League චිත්‍රපටය HBO max හරහා නිකුත් වන බව දැනට නිවේදනය කර ඇති අතර බොහෝ දුරට සිනමාශාලා වල⁣ට නිකුත් වෙනු ඇතැයි බලාපොරොත්තු තිබිය හැකිය...මීට අමතරව Black Widow,Spiderman 3,Eternals ,Shang Chi, Black adam,The Suside Squard හා venom 2 යන කොමික් චිත්‍රපටත් Dune,The King's man,A quite place part 2,Morbius,Godzila vs King,Conjuring 03,Finale Destination 6,No Time to Die,Fast 9 ,Spiral,Exorcist,Uncharted මෙන්ම වසර අවසානයේදි Matrix 04 චිත්‍රපටයද නිකුත් වීමට නියමිතයි.....

𝐁𝐨𝐥𝐥𝐲𝐰𝐨𝐨𝐝 -(බොලිවුඩය)

මේ වසරේදි බොලිවුඩයේ මාර්තු 17 වන දිනයෙන් පසු කිසිදු චිත්‍රපටයක් සිනමාශාලාවල තිරගත නොවූ අතර බොහෝ චිත්‍රපට හොලිවුඩය මෙන් ඉදිරි වසර වලට කල් ගියේය...ඒ අතරින් ඇතැම් නිර්මාණ OTT මාධ්‍ය හරහා නිකුත් වු අතර මේ වසරේ බොලිවුඩ් සිනමාවේ ඉහළම ආදායම් වාර්තා දහය පහත පිරිදි වෙයි...මේ අතරන් අජේ දේව්ගන්,කාජල්,සයිෆ් අලී ඛාන් රංගනයෙන දායක වු Tanhaji ඉන්දියානු රුපියල් කෝටි 367 ක් ලබාගැනීමට සමත් වූ අතර දෙවැන්න ලෙස Baaghi 3 කෝටි 137 ක ආදායමක් උපයාගත් අතර වෙනත් කිසිදු චිත්‍රපටයක් කෝටි 100 ආදායමක් ලබා ගැනීමට සමත් නොවී ඇත...

1.Tanhaji

2.Baaghi 3

3.Street Dancer 3D

4.Shubh Mangal Zyada Saavdhan

5.Malang

6.Chhapaak

7.Love Aaj Kal

8.Jawaani Jaaneman

9.Thappad

10.Panga

මේ වසරේදී ගිය වසරේ නිකුත් වීමට තිබු රන්වීර් සිංග්,දීපිකා පදුකෝන් රංගනයෙන් දායක වන 83 චිත්‍රපටයත් අාක්ෂේ කුමාර්ගේ Sooryavanshi චිත්‍රපටයත් අමීර් ඛාන්ගේ Lal Singh Chaddha චිත්‍රපටයත් සල්මන් ඛාන්ගේ Radhe චිත්‍රපටයත් මේ වසරේ නිකුත් වීමට නියමිතයි...

මීට අමතරව මේ වසරේ ෂාරුක් ඛාන්ගේ වසර දෙකකට පසු නැවත සිනමාගමනය සනිටුහන් කරන Pathan චිත්‍රපටයත් ආක්ෂේගේ Atrangi Re,Bell Bottom,Bachhan Pandey,Raksha Bandhan හා Ram sethu චිත්‍රපට පහත් සල්මන් ඛාන්ගේ Antim චිත්‍රපටයත් මේ වසරේ නිකුත් වීමට නියමිත ප්‍රධාන චිත්‍රපට වනවා....

ප්‍රියංකා චොප්රා,රාජ්කුමාර් රාඕ රංගනයෙන් දායක වන The White Tiger චිත්‍රපටය ජනවාරි එනම් මෙමස 22 නිකුත් වීමට නියමිතයි...

𝐊𝐨𝐥𝐥𝐲𝐰𝐨𝐨𝐝 (දමිළ සිනමාව)

කොලිවුඩය නැත්නම් දමිළ සිනමාවේ වැඩිම ආදායමක් වාර්තා කල චිත්‍රපට 08 මෙසේය....

1.Darbar

2.Pattas

3.Psycho

4.Kannum Kannum Kollaiyadithaal

5.Oh My Kadavule

6.Naan Sirithaal

7.Mafia: Chapter 1

8.Draupathi

දමිළ සිනමාවේ ජනප්‍රිය සුපිරි තරුව තලපති විජේ හා සේතුපති විජේ රංගනයෙන් දායක වන මාස්ටර් චිත්‍රපටය ජනවාරි 13 නිකුත් වීමට නියමිත අතර ජනප්‍රිය නළු වික්‍රම්ගේ Cobra චිත්‍රපටයත් Mahavir Karna චිත්‍රපටයත් සූර්යාගේ Rocketry චිත්‍රපටයත් මේ වසරේ නිකුත් වීමට නියමිත දැවැන්ත චිත්‍රපට කිහිපයයි...තවද මනිරත්නම්ගේ Pinniyin Selvan හරහා අයිෂ්වර්යා රාය්,අයිෂ්වර්යා ලක්ෂ්මි,වික්‍රම්,ත්‍රිෂා,කාර්ති,මොහාන් රමන්,ජයම් රවී රංගනයෙන දායක වන මෙය ලංකාවේ අපිටද වැදගත් වන්නේ මෙය ලංකාව හා සම්බන්ධ චිත්‍රපටයක් මෙන්ම ලාංකාවේ දක්ෂ රංගන ශිල්පියෙක් වන ශ්‍යාම් ප්‍රනාන්දුද රංගනයෙන් දායක වීමයි...

තවද 1996 වසරේ තිරගත වූ Indian දමිල චිත්‍රපටයේ දෙවැන්න Indian 2 මේ වසරේ තිරගත වීමට නියමිතයි...එහි පලමු චිත්‍රපටයේ මෙන්ම මෙහිද රංගනයෙන් දායක වනනේ කමල් හසන් වේ...

𝐓𝐨𝐥𝐥𝐲𝐰𝐨𝐨𝐝 (තෙළිඟු සිනමාව)

තෙළිඟු සිනමාවේ මේ වසරේදි වැඩිම ආදායමක් ලැබු චිත්‍රපට 10 නම්...,

1.Ala Vaikunthapurramuloo

2.Sarileru Neekevaru

3.Bheeshma

4.Disco Raja

5.World Famous Lover

6.Aswathama

7.Jaanu

8.Solo Brathuke So Better

9. Entha Manchivadavuraa

10HIT: The First Case

මේ වසරේදි තෙළිඟු සිනමාව මෙන්ම ඉන්දීය සිනමාවේ දැවැන්තම බලා⁣පොරොත්තුව වන බාහුබලි චිත්‍රපට අධ්‍යක්ෂක රාජ් මොවුලිගේ අධ්‍යක්ෂණයක් වන රාම් චරන්,අාලියා බාට්,අජේ දේව්ගන් රංගනයෙන් දායක වන RRR චිත්‍රපටය භාෂා කිහිපයකින්ම තිරගත වන අතර ඊට අමතරව අල්ලු අර්ජුන්,විජය සේතුපති,රෂ්මිකා මන්දනා රංගනයෙන් දායක වන Pushpa චිත්‍රපටයත් ප්‍රබාස්ගේ Radhe Shyam චිත්‍රපටය මෙන්ම නානිගේ Tuck Jagadish චිත්‍රපටයද මේ වසරේ තිරගත වන ප්‍රධාන තෙළිඟු චිත්‍රපට වනවා...

එහමන්ම කන්ණඩ සිනමාවේ පසුගිය වසරේ විශාල පෙරළියක් සිදු කල KGF 2 චිත්‍රපටයද මේ වසරේ තිරගත වන දැවැන්ත සිනමාපටයකි...

𝐒𝐢𝐧𝐡𝐚𝐥𝐚 𝐂𝐢𝐧𝐞𝐦𝐚 (ලාංකීය සිනමාව)

දේශිය සිනමාව ගැන කතා කිරීමේදි මේ වසරේදි බොහොමයක් බලාපොරොත්තු තැබිය හැකි චිත්‍රපට නිකුත් විමට තිබුණත් වසංගත තත්වය හමුවේ ඉතා චිත්‍රපට 12 වැනි සුළු සංඛ්‍යාවක් තිරගත වූයේ අඩු ආදායම් වාර්තා සමඟින්...එය ලාංකීය සිනමාවට නුහුරු දෙයක් නොවුනත් මෙය සිනමාවට හා නිර්මාණකරුවන්ට දැඩි බලපෑමක් එල්ල කරන කාරණයක් බව නොරහසකි....මේවසරේදි නිකුත් වු සිංහල චිත්‍රපට හා ඒවායේ අධ්‍යක්ෂකවරු වනුයේ...

01.සුනාමි - සෝමරත්න දිසානායක

02.නිම් හිම් - මිචෙල් ෆොන්සේකා

03.The Horn - සමීර වක්වැල්ල

04.සුපර්ණා - සුජීව ප්‍රියල් යද්දෙහිගේ

05.සේද මාවත - හර්ෂ උඩකන්ද

06.ඊතලය - නාලක විතානගේ

07.ඇවිලෙනසුලුයි - චින්තන ධර්මදාස

08.ද නිව්ස් පේපර් - කුමාර තිරිමාදුර,සරත් කොතලාවල

09.සූස්ති - කුෂාන් වීරරත්න

10.ශෙලීනා - චන්දන එදිරිසිංහ,පූජිත ගුණතිලක

11.පාංශු - විසකේසා චන්ද්‍රසේකරම්

12.රූකඩ පැංච් - වින්දන,කල්පන ආරියවංස

13.මිස් ජෙනිස් - සුසිරන් ද සිල්වා

ඉතිං මේ වසරේ නිකුත් වීමට නියමිත ලාංකීය සිනමාවේ ප්‍රධාන චිත්‍රපට ගැන අවධානය යොමු කල විට ලංකාවේ නිෂ්චිතව මේ චිත්‍රපට මේ වසරේ නිකුත් වේ යැයි කිව නොහැකි වුවත් තිරගත වීමට පෝළිමේ තිබෙන චිත්‍රපට ⁣වනුයේ,

හේමාල් රණසිංහ රංගනයෙන් දායක වන අයිස්ක්‍රීම්,අාශාවරි,1970 Love Story,කොළඹ චිත්‍රපටත් හිතුමතේ ජීවිතේ,ජැක්සන් ඇන්තනීගේ එකගෙයි සොකරි,මොහාන් නියාස්ගේ ශ්‍රී වික්‍රම මෙන්ම

ලංකාවේ පලමු 3D ඇනිමේෂන් චිත්‍රපටය වන කැමිලස්ගේ ගජමෑන්,දඩයම දෙවන චිත්‍රපටය දඩ ඉම,කන්දක් සේමා,නයිට් රයිඩර්,රොෂාන් රවින්ද්‍ර රංගනයෙන් දායක වන Secret of the Rose,ප්‍රසන්න විතානගේ නිර්මාණයක් වන ගාඩි,කපිල සූර්යආරච්චිගේ සිනේමා,කැළණිය සරසිවියේ නිර්මාණයක් වන වියසිදුරු,සුමිත් රත්නායකගේ රං කොල්ලා,කවුරුත් දන්නෙ නෑ,ඉක්කා,යාත්‍රා,නිහඬසෙවනැලි,ගිරිවැසිපුර,බහුචිතවාදියා යන විශාල චිත්‍රපට සංඛ්‍යාවක් ගිය වසරේ තිරගත වීමට තිබුණ සිනමා ලැයිස්තුවේ තිබුණු චිත්‍රපට අතර වනවා....

ඉතිං ලැබුවා වු මේ වසර අප බලාපොරොත්තුවෙන් සිටින චිත්‍රපට නිකුත් වී වැඩි වැඩියෙන් සිනමාව රසවිඳීමට ලැබෙන වසරක් වේවා යැයි ප්‍රාර්ථනා කරන අතරම සිනමාවේදි ඔබ සියළු දෙනාගේ බලාපොරොත්තු ඉටු වේවා යැයි ප්‍රාර්ථනා කරන්නෙමි...

පින්තූරයේ කතාව....

පහළ පින්තූරයේ දැක්වෙන්නේ 2020 වසර වන විටත් අඛණ්ඩව චිත්‍රපට තිරගත වන ලොව පැරණිම සිනමාශාලාවේ සේවය කරන සේවිකාවක් පොප්කෝන් විකුණන අයුරුයි...

වොෂින්ටන්ටනවේ ලෝවා නගරයේ The State Theater නම් මෙම සිනමාශාලාව විවෘත කර ඇත්තේ 1897 මැයි 14 වන දිනයි...කොවිඩ්-19 වසංගතය හේතුවෙන් පසුගිය මාර්තු මස වසා දමන තෙක් අඛණ්ඩව චිත්‍රපට ප්‍රදර්ශනය කර ඇති මෙම සිනමාශාලාව ගිනස් වාර්තා පොතටද ඇතුලත් වී ඇත...

එහි සේවය කරන පිරිස සිනමාශාලාව වසා දමා සතියකට පසු සිදුකර ඇත්තේ සිය සිනමාශාලාව අසල පොප්කෝන් විකිණීමයි...එසේ සිදුකර ඇත්තේ නගරය පුරා පොප්කෝන් වලට ප්‍රිය කරන සියළු දෙනා වෙනුවෙන් කාර්ය මණ්ඩලයේ ස්ව කැමැත්තෙන් බවයි සඳහන් වෙන්නේ...

ලංකාවේ 3D නොවන චිත්‍රපට ප්‍රදර්ශනයට සිනමාශාලා ජනවාරි 01 වනිදා විවෘත වුවත් දේශිය සිනමාව පවතින තත්වය හමුවේ සිනමා ශාලා හිමිකරුවන්ට පොප්කෝන් විකිණිම සිදුනොකිරීමට වගබලා ගැනීම පාලකයන් සතුයි..