චිත්රපටය ආරම්භ වන්නේ ගෞතම් හිරගෙදරක සිටියදී ඔහුට කීමට කතාවක් ඇති බව පවසමිනි. ගෞතම් ලේඛකයකු වීමට සිහින ලුහුබඳිමින් සිටින්නෙකි. යමිනී ඔහුව මවක් මෙන් රැක බලා ගන්නා අතර සෑම විටම ඔහුගේ තීරණවලට සහාය වේ. නමුත් ඔහු ඔහුගේ සිහිනය වෙන්වෙන් කිසිදු උත්සාහයක නොයෙදෙන වගක් යමිනීට පසක් වේ. ඒ හේතුවෙන් ඇය ගෞතම් අතහැර යයි.මෙම අතහැර යෑම තුළ තම ජීවිතයේ විවිධ දුෂ්කරතාවයන්ට මෙන්ම අපහසුතාවයන්ට පත් වන ගෞතම් තම ජීවිතය අත්හැර දමන්නේ තමන්ට අවනත නොවූ ප්රේමය නැවත තමන්ගේ අයිතියට පත් කර ගත නොහැකි තත්ත්වයක් තුළය. මිත්රත්වයක් තුළ නව ජීවයක් ලබා නැවත ලේඛනයට යොමුවන ගෞතම් ඔහුගේ ඉලක්කය කරා පිය මනිනුයේ අපූර්ව ආකාරයෙනි.
"යෙලන්ඩු" හි සිදුවන කතාවක් මෙහිදී ගෞතම් විසින් රචනා කරනු ලැබේ. ශ්රීනු නම් ගල් අගුරු ආකර වල වෘත්තීය සමිති නායකයෙකුගේ ජීව්තය මෙහිදී කතාවකට ගොඩනගනු ලැබේ. ස්වර්ණා සහ ශ්රීමා අතර දෝලනය වන ශ්රීනුගේ ජීවිතය ආදරය නැවත අපහට සිතන්නට යමක් ඉතිරි කර ඇත. මේ ඔවුන්ගේ ජීවිතයයි. ඔවුන්ගේ ආදරයයි. නරඹන්න මෙම අලුත් ඇසින් ලෝකය දකින්න. එක් කතාවක් චරිත තුනක්. එකකින් එකක්ට මිදිය නොහැකිව දම්වැලක පුරුක් මෙන්. මේ ඔබේත් මගේත් ජීව්තය විය හැකියි.
චිත්රපටය රචනය සහ අධ්යක්ෂණය Kranthi Madhav සිදුකර ඇති අතර ප්රධාන චරිත සඳහා Vijay Dervarkonda, Aishwarya Rajesh, Raashi Khanna, catherina tresa සහ Izabelle Leite තම රංගන දායකත්වය ලබා දී ඇත. චිත්රපටය නිෂ්පාදනය K.A.Vallabha සිදුකර ඇත.චිත්රපටයේ නිෂ්පාදනය 2019 වසරේ පෙබරවාරි මාසයේදී කම්මම් දිස්ත්රික්කයේ යෙලන්ඩු හීදී ආරම්භ කර ඇත. එමෙන්ම මෙහි දර්ශණ කිහිපයක් ප්රංශයේදී ජූනි මාසයේ රූගත කරන ලදී. 2020 වසරේ පෙබරවාරි 14 දින මෙම චිත්රපටය මුල්වරට ප්රදර්ශණය කෙරිණි. ඒ ආදරවන්තයින්ගේ දිනය මුල්කරගෙනය. තෙළිඟු භාෂාවෙන් හැරුණුවිට මලයාලම් සහ දමිළ භාෂාවන්ගෙන් චිත්රපටය එළිදැක්විණි.පැය දෙකකුත් මිනිත්තු තිස් හතරක ධාවන කාලයක් හිමි මෙය 4.6/10 ක් IMDB හි තම චිත්රපටය ඉදිරියේ සටහන් කරගනු ලබනවා.
ස්වාමියාගේ ජීවිතයේ දුක තමන් සතු කරගන්නට උත්සුක බිරිදක් සහ ඇගේ ආදරයේ අහිමිවීම තුළ සාර්තක වූ සැමියෙකුගේ ජීවිත කතාවයි මේ. ඔබත් නරඹන්න. මේ ලෝකයේ කොතෙකුත් ආදර කතා අතර කුතුහලය, වේදනාව, දුක, සතුට පිරි අලුත් ආදරයයි world famous lover.
